Wat 'n plek! Antiek, baie baie antiek en asemrowend mooi! Om nie eers van die atmosfeer te praat nie! Uniek, lewendig, interessant, anders as enige ander dorp of stad wat ons al in Bulgarye ervaar het. Gaan lees gerus meer oor hierdie ongelooflike plek, een van Europa se oudstes. http://www.plovdivguide.com/_m1701/History-of-Plovdiv
Geniet al die foto's - mens kan nie anders as om hierdie ervaring te probeer deel nie... En na die erge koue het ons weer heerlike weer!
Baie mense! Baie mammas met stootwaentjies, baie studente, sekerlik baie toeriste ook...! En die einde van die seisoen is hier! Ek wonder hoe 'n gedruis van mense moet dit wees in die piekseisoen, lente en somer!
'n Model (bo) van die arena uit die Romeinse tydperk wat hulle relatief onlangs eers ontdek het. Ongelukkig is die grootste dele daarvan onder bestaande geboue. Ongelooflik!
Hierdie is nog meer ongelooflik! Hulle het in die omgewing van 1970 'n tonnel onderdeur die stad geskiet en toe eers op hierdie eeue-oue amfiteater afgekom! Hul gebruik dit tans vir opvoerings en is steeds besig met verdere opgrawings.
Ongelooflik om te dink dat hierdie marmerpilare en standbeelde so verskriklik oud is!!
Rotse word met kettings vasgehou om te keer om af te val!
Ons loop deur die strate van die 'Old Town' en verwonder ons aan die mooi geboue, bome en straatjies!
Ontbyt! Die vriendelikste koffiewinkel eienares stap saam met ons na 'n tradisionele bakkery om egte Bulgaarse ontbyt (Banitsa), vars uit die oond te koop en dit saam met koffie weer terug in haar koffiewinkel te drink! Wow! Wat 'n ervaring!
Middagete - 'Doner' en pizza vanuit 'n straatkafeetjie. Die plakkaat links dui 'n promosie aan.
Prentjiemooi!!
No comments:
Post a Comment